Швейцариядаги активларни қайтариш бўйича халқаро марказ (International Center for assets reсovery) томонидан тузилган Basel Anti-Money Laundering Index (Ноқонуний пулларни легаллаштиришга қарши Базель индекси) рейтингида 107-ўринни эгаллади.
Рейтингдан 152 давлат ўрин олди. 10 балли шкала бўйича Ўзбекистоннинг индекси 5.11 баллни ташкил қилди. Шу тариқа, Ўзбекистон Уругвай (106) ва Нидерландия (108) ўртасида жойлашди.

Россия рўйхатда 57-ўринни, АҚШ эса 103-ўринни эгаллади.
Ноқонуний пул маблағларини легаллаштириш хавфи энг жиддий деб Эрон баҳоланди – у 8.59 балл билан 1-ўринни эгаллади. Ундан кейинги поғоналарни Афғонистон (8.48 балл) ва Тожикистон (8.26 балл) забт этди.

Бундай хавф энг кам деб баҳоланган давлатлар эса Словения (3.41 балл, 150-ўрин), Эстония (3.19 балл, 151-ўрин) ва Финляндия (2.53 балл, 152-ўрин) бўлишди.
Рейтингда мамлакат банк тизими имкониятлари, шунингдек, коррупция даражаси, давлат ва молия сектори фаолиятининг ошкоралиги, сиёсий тизим ва маҳаллий қонунчилик инобатга олинади.