19 август куни Руминия бош вазири Виктор Понтанинг хонадонига банд солинди. Ҳукумат раҳбари солиқ тўлашдан бўйин товлашда ва ноқонуний пулларни легаллаштиришда айбланмоқда.

Миллий аксилкоррупцион директорати тарқатган хабарга кўра, Понта унинг давлат манфаатларига 51.3 минг лей (12 минг доллар) етказгани ҳақидаги экспертиза натижаларининг нусхасини олган.

Бош вазир ҳужжатларни сохталаштиришда, солиқ тўлашдан қочиш ва маблағни легаллаштиришда маълум шахсларга ёрдам беришда айбланмоқда. Бу ишларни у адвокатлик фаолияти давомида “Шова ва ҳамкорлар” бюроси ва адвокат Дана Шова ёрдамида амалга оширгани айтилмоқда.

Фирма Понтага у бажармаган ишга 181 минг лей пул тўлаган, аммо бу пуллардан солиқ тўланмаган. Сиёсатчининг ўзи бу айбловларни инкор қилмоқда.
“Сиёсий кураш ноҳақ йўллар билан олиб борилаётгани ачинарли”, – деб ёзди Понта Facebook’даги саҳифасида.