Нефть нархи 19 августда АҚШ нефть захираларининг ўзгариши ҳақидаги ҳафталик статистиканинг чоп этилишига нисбатан салбий ўзгаришни намоён қилди. Бундан савдолардан олинган маълумотлар дарак бермоқда.

Москва вақти билан соат 19:43 да Brent нефтининг октябрь фьючерслари нархи 3,21 фоизга, яъни 47,25 долларгача, WTI нефти 4,06 фоизга, яъни 41,37 долларгача тушиб кетди. WTI нефтининг сентябрь фьючерслари 4,38 фоизга, яъни 40,83 долларгача тушиб кетди ва 2009 йил 4 мартдаги минимум нархни янгилади.

АҚШ Энергетика вазирлиги мамлакатдаги тижорат учун мўлжалланган нефть захираси 14 августда тугаган ҳафта ичида кутилмаганда 2,6 млн баррелга, яъни 456,2 млн баррелгача ошганини маълум қилган эди. Таҳлилчилар аксинча нефть захираларининг 777 минг баррелгача камайшини кутаётган эдилар.   

“Бу барчани ғафлатда қолдирди. Мен бу ҳисоботдан ҳеч қандай яхши нарсани кўрмаяпман”, деб айтди брокерлардан бири Скотт Шелтон.