МАГАТЭ Эронга Парчиндаги ядровий объектни мустақил назорат қилишига йўл қўйиб бермаслиги керак, – деди АҚШ давлат департаменти вакили Жон Кирби.

Кирби Associated Press томонидан эълон қилинган МАГАТЭнинг Теҳрон билан махфий келишувига изоҳ берар экан, Эронга фото ва видео тасвирлари, шунингдек, эронлик мутахассислар олган намуналарни МАГАТЭга тақдим этиш шарти билан ўзи ишлаб чиққан қурилмалар фойдаланилган ядровий объектлар назоратини мустақил олиб бориш имконияти берилган бўлиши мумкинлигини изоҳлаб ўтди.