Тош кўтариш бўйича яқинда Венгрияда ўтказилган жаҳон чемпионатида Ўзбекистон чегара қўшинлари кичик сержанти Муҳтарам Алиева 60 кг вазн тоифасида биринчиликни қўлга киритди.

Шу тариқа, андижонлик спортчи ва ҳарбий аёл 9-марта чемпионликка эришиши.
Таъкидланишича, Алиеванинг бу натижаси Гиннесс рекордлар китобига киритилган.

2010 йили у Миланда ўтказилган “Ломбардия кубоги” халқаро турнирида илк бора чемпионликни қўлга киритган эди. 2014 йилнинг октябрида эса АҚШнинг Калифорния штатида, Сан-Диего шаҳрида ўтказилган тош кўтариш мусобақасида шахсий натижаларга кўра Алиева чемпионликка яна бир бор эришди. 42 ёшли спортчи жорий йилда у натижаларини яна такрорлади.

Муҳтарам Алиева мусобақа чоғида 10 кг ли тошларни 30 дақиқа мобайнида 417 марта кўтарди ва бу номинацияда олтин медалга сазовор бўлди. Бундан ташқари, 16 кг ли тошларни 10 дақиқа ичида 62 марта кўтариб, кумуш медал ҳам олди.