Перу конгресси аъзолари бир овоздан наркофурушларга тегишли самолётларни уриб туширишга рухсат берувчи қонун лойиҳасини тасдиқлашди.

Қайд этиш жоизки, Перу кокаин ва гиёҳванд моддалар етказиб берилувчи асосий ҳудудлардан бири ҳисобланади.

Перудаги агентликнинг хабарига кўра, мамлакатда етиштирилган гиёҳванд моддалар асосан АҚШ ҳудудига кичик самолётлар орқали ташиб борилади.

АҚШ бу ҳолатга қарши кураш дастурларини молиялаштирувчиси экани айтилган.

Маълумот учун, 2001 йилда перулик ҳарбийлар америкалик миссионерлар кетаётган хусусий самолётни хатолик туфайли уриб туширганидан кейин бу амалиёт тўхтаб қолганди.