Шу йилнинг 4 октябрида Қирғизистонда бўлиб ўтадиган парламент сайловларида хавфсизликни таъминлаш ишига 16 мингдан ортиқ милициячи ва кўнгиллилар жалб қилинади. Бу ҳақда мамлакат ИИВ матбуот хизмати хабар берди.

2 288 сайлов участкаларида тинч-тотувликни қўриқлаш учун 9 минг милиция ходими ва 8 минг кўнгилли жалб қилинади. Ҳуқуқ-тартибот органларининг бутун таркиби 1-6 октябрь кунлари юқори тайёргарлик ҳолатига ўтказилади.