АҚШ давлат котиби ёрдамчиси Томас Кантримен 27-28 август кунлари Қозоғистон ва Халқаро атом энергияси агентлиги (МАГАТЭ) билан ҳамкорликда ташкил этилаётган Камтўйинтирилган уран банкининг очилиш маросимида иштирок этиш учун Қозоғистонга ташриф буюради, дея хабар бермоқда АҚШ давлат департаменти.

Маросимда иштирок этишдан ташқари, Кантримен ташриф доирасида Қозоғистон ташқи ишлар вазири Ерлан Идрисов ва энергетика вазири Владимир Школьников билан ядро қуролининг тарқалмаслиги масаласини муҳокама қилиш учун учрашади.

Шунингдек, Кантрименнинг Қозоғистон халқаро илмий-техник марказига ҳам ташриф буюриши хабар қилинган.

Бундан аввал давлат департаменти вакилининг Мексика (24-25 август), кейин эса 31 август-1 сентябрь кунлари Словенияда бўлиши режалаштирилган.

Қозоғистон ва Халқаро атом энергияси агентлиги (МАГАТЭ) билан ҳамкорликда Камтўйинтирилган уран банкини ташкил этиш тўғрисидаги келишув 2015 йил август ойи охирида имзоланиши июнь ойида эълон қилинган эди. 11 июнда МАГАТЭ бошқарув кенгаши ушбу хабарни расман тасдиқлади.