Рубль курсининг заифлашишига нефть нархининг тушиши, Хитой ва Қозоғистон миллий валюталарининг девальвацияси ҳамда ғарб санкциялари сабаб бўлмоқда, деб айтди журналистларга Россия бош вазири Дмитрий Медведев.  

“Охирги маҳал рублнинг заифлашиши нефть нархининг тушиши билан боғлиқ бўлмоқда. Тан олиш керакки, жорий нархлар охирги 6 йил ичидаги нефть котировкаларининг энг қуйи нуқтаси бўлмоқда. Бу нархларни ўтган асрнинг 80-йиллари ва 90-йиллари бошида бўлган нархларга нисбатан доллар курсининг ўзгариши билан келтириш мумкин ва мураккаб бўлмаган ҳисоб-китоблар йўли билан шундай хулосага келиш мумкинки, бу нефть охирги 30-40 йил ичида сотилган энг қуйи нуқталардан бири бўлмоқда. Энг пасти эмас, бироқ жуда пасти”, деб айтди Медведев. Унинг айтишича, нефть нархи билан боғлиқ бундай вазият рублнинг заифлашишига олиб келмоқда.

“Бошқа сабаблар ҳам бор. Бу капиталлар бозоридаги умумий беқарорлик, Хитой валютаси атрофидаги вазият, унча катта даражада бўлмаса ҳам, қўшниларимиздаги вазият: тенгенинг мавқеини заифлаштирган Қозоғистонда валюта коридоридан воз кечиш қарори қабул қилинди. Бизнинг иқтисодиётларимиз ҳар ҳолда боғланган ва шунинг учун биз бу жараёнларга бефарқ бўла олмаймиз”, деб қўшимча қилди Медведев.

Медведев бошқа сабаблар қаторида Россияга қарши ғарб давлатлари томондан киритилган санкциялар, жумладан Россияга капитал бозорининг ёпилиши ва Россия банкларига нисбатан санкциялар киритилишини айтиб ўтди.

“Ҳозирда булар содир бўлмоқда. Бироқ бу жараён поёнсиз бўла олмайди”, деб таъкидлаб ўтди Медведев.