Россия бош вазири Дмитрий Медведевнинг Курил ороллари гуруҳига кирувчи Итуруп оролига ташрифига Токионинг норозилик билдириши Япония ҳанузгача Иккинчи жаҳон уруши якунлари бўйича баҳслашаётганидан дарак беради. Бу ҳақда Россия Ташқи ишлар вазирлиги сайтидаги хабарда айтилмоқда. 

Россия ТИВда “норозиликни бундай алфозда билдириш Япониянинг тарихий ҳақиқат ва Шарқий Осиё давлатларида кўплаб одамларнинг ўлимига ва ўн миллионлаб фуқароларнинг азият чекишига сабаб бўлган ўша машъум уруш хотирасига ҳурмат билан қараши ҳақидаги сўзларига шубҳа билан қарашга мажбур қилмоқда” дейилмоқда.

Бундан аввал Москва ҳукумат аъзоларининг ишчи жадвалини шакллантиришда Токионинг фикрига қараб иш тутилмаслигини айтган эди. Россия ТИВда Курил оролларига ташрифлар бундан кейин ҳам давом этавериши айтилди.