Тошкент-Самарқанд-Қарши йўналиши бўйича Talgo поезди қатнови йўлга қўйилди

Ўзбекистон 22 Август 2015 15366

2015 йилда Ўзбекистон Мустақиллигининг 24 йиллиги темир йўл соҳасида яна бир тарихий воқеа билан эсда қоладиган бўлди.

Тўрт йил аввал Мустақилликнинг 20 йиллиги муносабати билан Ўзбекистонда Марказий Осиёда ҳозирги кунда ягона бўлган Тошкент-Самарқанд-Тошкент йўналиши бўйича “Афросиёб” тезюрар поезди ишга туширилган эди.

Шу кунларда темир йўлчилар “Мароқанд-Қарши” темир йўлида қурилиш ва электрификация ишларини ўз ниҳоясига етказишди. Бу ҳолат бугун, 2015 йилнинг 22 августида “Афросиёб” (Talgo) тезюрар поездининг эндиликда янги йўналиш – Тошкент-Самарқанд-Қарши йўналиши бўйича қатновини амалга ошириш имконини берди.

Темир йўлнинг “Мароқанд-Қарши” ҳудудини электрификациялаш учун 324,76 млн доллар, жумладан “Ўзбекистон темир йўллари” АЖнинг шахсий маблағларидан 110,92 млн доллар, Осиё ривожланиш банки маблағларидан 100 млн доллар ва давлат бюджетидан маблағлар ажратилди.

Шундан кейин 2012 йилда темир йўлчилар “Мароқанд-Қарши” ва “Қарши-Термиз” ҳудудларини электрификациялаш ишларини бошлаб юборишди. Деярли 3,5 йил аввал бошланган лойиҳа бугунга келиб ниҳоясига етди ва янги темир йўл мустақилликнинг 24 йиллиги муносабати билан фойдаланишга топширилмоқда. Бу йўналишлар бўйича тезюрар поезднинг ишга туширилиши ўзбек халқи учун байрамга муносиб тўёна бўлди.

 

Бугунги кунда “Тошкент-Қарши” йўналиши бўйича йўловчи поездлар 511 кмлик масофани 6 соатда босиб ўтади. Энди 160 км/соат тезлик билан ҳаракатланувчи “Афросиёб” поездларида бу йўл 3 соатгача, Хитойдан келтирилган йўловчи ва юкларни ташишга мўлжалланган замонавий электр поездларда эса 4 соатгача қисқаради.

“Афросиёб” поездининг тўлиқ таъмирдан чиқарилган “Қарши” вокзалига етиб келиши муносабати билан тантанали тадбир режалаштирилган. Бу тадбирга “Ўзбекистон темир йўллари” АЖ бошқарма ва корхоналари раҳбарлари, меҳнат фахрийлари, хорижий меҳмонлар, Тошкент темир йўл муҳандислари институти ўқитувчилари ва талабалари, Ўзбекистон телевидениеси ходимлари, журналистлар, спортчилар, эстрада юлдузлари, таниқли ёзувчи ва рассомлар таклиф қилинган.

Айни вақтда бу йўналишдаги илк Talgo поезди Тошкентдан Қаршига қараб ҳаракатланмоқда. Қаршида эса бу поездни байрамона кайфият билан кутишмоқда.

 

Эслатиб ўтамиз, май ойида “Ўзбекистон темир йўллари” иккита янги Talgo поездларини сотиб олиши ва янги сотиб олинадиган поездлар Самарқанд йўналишида ҳаракатланаётганларига нисбатан икки вагон узун бўлиши ҳақида хабар берилганди.

Маълумот учун, ҳозирги вақтда иккита Talgo – Afrosiyob поездлари “Тошкент – Самарқанд – Тошкент” йўналишида ҳаракат қилмоқда.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 16918 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 69189 Жамият
Кун.uz офис изламоқда
15:48 / 06.08.2017 37526 Lifestyle
"Реал" Испания Суперкубоги соҳиби!
04:08 6808 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 2586 Жаҳон
Саакашвили Украинага қачон қайтишини маълум қилди 
01:15 3256 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 3029 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар