Германияда талаба қиз уй-жой учун ижара ҳақи тўламаслик мақсадида поезларда яшай бошлади, деб хабар бермоқда The Independent нашри.

Леони Мюллер исмли талаба қиз жорий йилнинг баҳорида ўзи яшайдиган квартиранинг эгаси билан тортишиб қолиб, у ердан чиқиб кетди. Талабанинг айтишича, у шу заҳотдан бошлаб умуман квартирада яшамасликка қарор қилди. Бунинг ўрнига у мамлакатдаги исталган поездга бепул ўтиришга рухсат берувчи абонемент сотиб олди. Эндиликда Мюллер бошини вокзалда ювади, коллежда берилган топшириқларни эса поездда бажариб кетади.

Қизнинг айтишича, бундай ҳаёт тарзи унга доимий таътил ҳиссини беради. “Мен одамларни улар ўзларининг одатларини қайта кўриб чиқиб, улар нормал деб ҳисоблайдиган нарсаларга бошқача кўз билан қарашларига илҳомлантирмоқчиман,”, деб айтди қиз.

Мюллер ўзининг антиқа тажрибасини ўзининг блогида ёритиб боради ва унинг асосида коллеж учун тадқиқот ўтказишни режалаштирмоқда.