Грузияда Зугздиди — Жвари трассасида ҳаракатланаётган Mercedes-Benz русумли микроавтобус йоғоч устунга тўқнашиб кетди ва ундаги 15 нафар йўловчи сайёҳ жароҳатланди. Бу ҳақда «Интерфакс» хабар берган.

Маълум қилинишича, йўловчилар 9 хил давлатга мансуб фуқаролардир. Улардан 4 нафари шифохонага олиб борилган.

Грузия ИИВ ҳодиса сабабларини ўрганмоқда. Сайёҳларнинг айнан қайси давлатларга мансублигига ҳозирча аниқлик киритилмаган.