Эроннинг Лондондаги элчихонаси ўз фаолиятини тиклади. Бу воқеа Буюк Британиянинг Теҳрондаги элчихонаси қайтадан очилиши билан бир кунда рўй берди.

Ушбу дипломатик миссия 2011 йилда намойишчиларнинг ҳужумидан кейин ёпилган. Улар Ғарб томонидан Эронга нисбатан санкциялар кучайтирилишига қарши чиқишган эди.

Бундан олдинроқ, 23 август куни Эрон пойтахти Теҳрон шаҳрида Буюк Британия элчихонасининг қайтадан очилиши маросими ўтказилиши ва бу маросимда Буюк Британия Ташқи ишлар вазири ҳисобланадиган Филипп Хаммонднинг иштирок этиши кутилаётгани ҳақида хабар берилганди.