Россия шарқидаги Приморье ўлкасида рус ва хитойлик ҳарбийлар ҳамкорликда машғулот ўтказишни бошлашди. Бу ҳақда Шарқий ҳарбий округнинг ахборот таъминоти бўлими капитани Роман Мартовга асосланиб РИА Новости хабар берган.

"21 август куни бирлашган штаб Россия-Хитой ҳарбий-денгиз машғулотларини ўтказишга кўрсатма берди. Машғулотлар "Денгиз ҳамкорлиги - 2015 (II) номи остида ўтмоқда", дейди капитан Мартов.

Хитойлик контр-адмирал Ван Хайянинг маълум қилишича, денгиздаги тинчлик Хитой ва Россиянинг иқтисодий ҳамкорлиги ривожланишини таъминлайди.

Бу машғулотлар 28 август кунигача давом этиши айтилган.