Эрон нефть бозоридаги ўз улушини ҳимоя қилиш учун ҳар қандай усуллар билан нефть қазиб олишни кўпайтиришни режалаштирмоқда. Бу ҳақда Эрон нефть вазири Бижан Номдорга таянган ҳолда Bloomberg агентлиги хабар бермоқда.

“Биз ҳар қандай йўллар билан билан нефть қазиб олишни кўпайтириб борамиз, бизда бошқа йўл йўқ, - деди у. – Нефть қазиб чиқариш ҳажми кўпаймаса, биз бозордаги улушимизни йўқотиб борамиз”.
Шунингдек, у расмий Теҳрон ОПЕК аъзоларининг нефть нархи тушиб бораётганини муҳокама қилишга чақириқларини қабул қилиши ҳамда ташкилот йиғилишини ўтказиш фикрига қўшилишини маълум қилди.
2012 йил июлида Эронга қарши санкциялар жорий қилингунига қадар у ОПЕК давлатлари бўйича нефть қазиб олишда иккинчи ўринда турар эди.