Москвада автомобилларни текшириш бўйича катта миқёсдаги тезкор-профилактик тадбирлар ўтказилди, деб хабар бермоқда Россия Ички ишлар вазирлигининг Москва бўйича бош бошқармаси матбуот хизмати

21 августдан 22 августга ўтар кечаси ўтказилган операция давомида транспорт воситалари текширилганда 15та қурол, 312та бита, 183та пичоқ ва гиёҳванд моддалар мусодара қилинди. Қайд этилишича, ҳуқуқ-тартибот муассасалари ходимлари 46та жиноятни фош этишди ва қидирувда бўлган 19 кишини ҳибсга олишди.

Операция давомида, шунингдек, олиб қочиб кетилган 30та транспорт воситаси топилди.

Тадбирда 2 мингдан зиёдроқ полициячи иштирок этди. Келгусида бундай тадбирларни мунтазам равишда ўтказиб туришга қарор қилинди.