Ўзбекистонда кучга кирган янги қонуний меъёрга мувофиқ савдо қоидаларининг бузилиши учун жавобгарлик жиноий юрисдикциядан маъмурийга ўтказилди.

Бу “Ўзбекистон Республикаси айрим қонунчилик актларига хусусий мулкни, тадбиркорлик субъектларини ҳимоя қилишни янада кучайтириш, уларнинг ривожланишига тўсиқларни олиб ташлашга қаратилган ўзгартиш ва қўшимчалар киритиш тўғрисида”ги қонун билан белгилаб берилди. Қонун 31 июль куни қуйи палата томонидан қабул қилиниб, 6 август куни Сенат томонидан маъқулланди, 20 августда эса давлат раҳбари томонидан имзоланди ва 21 август куни марказий матбуотда эълон қилиниб, кучга кирди.

Маъмурий жавобгарлик кодексининг 164-моддасига қўшимча қилиб киритилган учинчи бандга кўра, савдо ва хизмат кўрсатиш қоидаларининг бузилишига йўл қўйган шахсларга энг кам ойлик иш ҳақининг 10-50 баробари, мансабдор шахсларга эга 40-80 баробари миқдорида жарима солинади.