Россия иқтисодий тараққиёт вазири Алексей Улюкаев нефть нархининг қисқа муддатга 40 доллардан пастга тушиши мумкинлигини айтди.

“Агар нефтнинг баррели 40 доллардан паст баҳоланадиган бўлса, бу қисқа муддат давом этади. Назарий жиҳатдан бу мумкин. Лекин жуда қисқа муддатга”, - деди у Куала-Лумпурда ўтказилган АСЕАН мамлакатлари иқтисодиёт вазирлари йиғилишида.

Қозоғистон президенти Нурсултон Назарбоевнинг нефть нархи 30-40 долларга тушиб, узоқ муддат шундай сақланиб қолиши мумкинлиги ҳақидаги фикрига муносабат билдирар экан, Улюкаев бундай баҳога қўшилмаслигини маълум қилди.

Эслатиб ўтамиз, кеча Лондон биржасидаги сотувлар чоғида Brent нефти нархи 45 долларга тушиб кетди. Бу 2009 йил мартидан буён кузатилган минимум бўлди.