Япония либерал-демократик партияси раиси, Япония парламентининг Ўзбекистон билан дўстлик лигаси раиси ўринбосари, Бутуняпония туристик агентликлари уюшмаси президенти Тошихиро Никай “Ўзбектуризм” миллий компаниясининг Япониядаги фахрий вакили этиб тайинланди.

“Ўзбекистонга кўрсатилган ишонч учун миннатдорман, - деди Никай “Жаҳон” агентлигига берган интервьюсида. – Бу менинг учун улкан шарафдир. Мен давлатларимиз ўртасида туристик ҳамкорликни ривожлантириш учун бор кучим билан ҳаракат қиламан”.
Шунингдек, у фурсатдан фойдаланиб, тегишли сертификат топширилиши чоғида барча ўзбекистонликларни мустақилликнинг 24 йиллиги билан табриклади.