Аҳмад Ҳожи Қодиров номидаги минтақавий жамоат жамғармаси Қуддусда спортнинг экстремал турлари билан шуғулланиш учун мўлжалланган майдончанинг қурилишини молиялаштирди. Чеченистон раҳбари Рамзон Қодиров ижтимоий тармоқлардан бирида таъкидлашича, бу совға “чечен халқи ва Қуддус аҳолиси ўртасидаги дўстлик рамзи” бўлди

“Қуддус ёшлари бугун ажойиб совға олишди. Чеченистоннинг биринчи президенти, Россия қаҳрамони Аҳмад Ҳожи Қодировнинг туғилган кунида скейт-паркнинг тантанали очилиши бўлиб ўтди. Маросимда Қуддус мэри Нир Баркат иштирок этди. Халқаро мусобақалар ўтказишга мўлжалланган скейт-парк қурилишини Аҳмад Ҳожи Қодиров номидаги минтақавий жамоат жамғармаси молиялаштириди”, деб таъкидламоқда Рамзон Қодиров. Рамзон Қодировнинг буйруғи билан паркнинг қурилишини Россия Давлат думаси депутати Адам Делимхонов назорат қилди.

ТАСС ахборот агентлигининг аввал маълум қилишича, 2014 йилнинг март ойида ушбу жамғарманинг саъй-ҳаракатлари эвазига Исроилнинг Абу-Гош қишлоғида мамлакатдаги катталиги бўйича 3-рақамли бўлган Аҳмад Ҳожи Қодиров номидаги масжид очилган эди. Масжид ўз бағрига 3 минг кишини сиғдира олади, 4та 50 метрлик минора ва олтин гумбазга эга. Масжид маҳаллий этник чеченлар илтимосига кўра барпо этилган. Шу билан бир вақтда 2011 йилда маҳаллий кенгаш қарори билан Аҳмад Ҳожи Қодиров номи берилган кўча ҳам реконструкция қилинди.

Олимларнинг фикрича, чеченлар бу ерларда 400 йил аввал "палак ёзишган".