1 августдан Андижон кўчаларида янги замонавий автобуслар ҳаракатлана бошлади. Шаҳар автокорхонаси Самарқанд автомобиль заводида ишлаб чиқарилган 60 та янги “Sam Аvto LE 60” автобуслари сотиб олди. Йил охиригача автобуслар сонини 100 тагача етказиш мўлжалланган.

Янги “Auto LE 60” автобусининг техник кўрсаткичлари қуйидагича кўриниш олган: паст полга эга ушбу автобус 56 йўловчига мшлжалланган; узунлиги 8 м, оғирлиги 10,2 тоннани ташкил қилади. 4,5 литрли Cummins двигатели ишлатилади, “Евро-4” экологик талабларига жавоб беради.


“Янги автобуслар жуда қулай, чунки уларнинг зиналари паст жойлашган. Ҳаракат пайтида ўзингни енгли машинада кетаётгандек ҳис қиласан. Бундан ташқари, улар кондицонерлар билан жиҳозланади. Катта ёшдагиларни ўйлаганингиз учун раҳмат,”, деб ўз таассуротлари билан бўлишмоқда, шу ердаги яшовчи меҳнат фахрийси Малика ая Юнусова.
Айни пайтда ижтимоий тармоқларда янги автобуснинг фотосуратлари пайдо бўлди. Янги автобусларда йўлкира ҳақи 500 сўмни ташкил қилади.
Андижонликлар Мустақиллик йили байрамига шундай ажойиб совға билан тақдирландилар.