"Ливерпуль" жамоаси бош мураббийи Брендан Рожерс 24 август оқшомида "Арсенал"га қарши "Эмирэйтс" ўйингоҳида ўтказилган ўйинда ўз шогирдлари намойиш этган ўйиндан кўнгли тўлганини билдирди.

"Ўйлашимча биз ажойиб ўйин кўрсатдик. Бунга мухлислар биринчи таймда гувоҳ бўлишди. Сиз маҳаллий мухлислар Чехнинг ҳар бир сэйвини қандай олқишлашгани эшитгандирсиз?

Ҳужумлар қилиш баробарида биз ўз дарвозамиз дахлсизлигини сақлаб қолдик. Ғалаба қозона олишимиз ҳам мумкин эди, лекин бунга эришмадик.

Ўйинда ҳар икки дарвозабон ҳам яхши ҳаракат қилди.

Бу ўйин кўрсатдики, бу жамоалар яхши трансферларни амалга оширишган.

"Ливерпуль" биринчи таймда кўплаб голли вазиятлар яратди, лекин Чех ўз жамоасини голлардан сақлаб қолди.

Биз иккинчи таймда асосан қарши ҳужумда ўйнадик ва бундай ҳужумларнинг ҳар бири рақиб дарвозасига таҳдид солиш билан якунланди. Шогирдларим яхши ишлашди", дейди мураббий.