Франция Россияга вертолёт ташувчи «Мистраль» кемаларини етказиб бериш ҳақидаги шартномани бажармагани учун тўланиши лозим бўлган 1 млрд евродан зиёдроқ товон пулини тўлаб берди. Бу ҳақда “Интерфакс” ахборот агентлиги дипломатик доиралардаги ахборот манбасига таяниб хабар тарқатди.

“Пул тўлиқ миқдорда Россия томони ҳисобига ўтказилди. Бу — бир млрд доллардан зиёдроқ”, – деди манба.

Манбанинг қайд этишича, мазкур маблағ нафақат “Мистраль” кемалари қурилиши учун бўнак сифатида олдиндан тўланган пулни, балки улар экипажларини тайёрлаш ва кемаларга Россия ускуналарини ўрнатиш бўйича сарфланган харажатларни ҳам ўз ичига олади.

Аввалроқ Франция молия вазири Мишель Сапен Россия билан “Мистраль” кемаларини етказиб бериш бўйича шартнома бузилгани муносабати билан тўланадиган товон пули миқдори 1 млрд евродан камроқ эканини маълум қилган эди.