Денис Истомин 24 август куни АҚШнинг Уинстон-Салем шаҳрида старт олган ва соврин жамғармаси 695 минг 515 доллардан иборат йирик теннис турниридаги иштирокини бошлади.

У биринчи учрашувда америкалик Доналд Янгга қарши кортга чиқиб, 6:3, 6:3 ҳисобларида ғалаба қозонди.

Энди уни иккинчи даврада жиддий баҳс кутмоқда. Дунёнинг 19 рақамли теннисчиси, франциялик Жо-Вилфрид Цонга Истомин билан ўйнайди.

Цонга ушбу турнирга 3 рақамли теннисчи сифатида таснифланган.

Ушбу турнир ғолиби 83 минг доллар мукофот ва 250 рейтинг очкоси билан тақдирланади.