Хитойда Тяньцзиндаги портлашларни ташкил қилишни ўз бўйнига ёлғон равишда бўйнига олган эркак қўлга олинди. Полиция Хитойнинг марказий Хунань вилоятида яшовчи 28 ёшли эркакни Тяньцзиндаги портлашларни тайёргарлагани ҳақидаги ёлғон хабар бергани учун ҳибсга олди, деб хабар бермоқда ТАСС ахборот агентлиги.

135 кишининг умрига зомин ва 800 га яқин кишининг яраланишига сабаб бўлган, 12 августда “Жуйхай” логистик компаниясининг омборхонасида содир бўлган портлашдан кейин икки кун ўтиб Хитойдаги форумлардан бирида Юнжоу уездининг Тань исмли ҳеч қаерда ишламайдиган шахснинг омборхонадаги бензинли бочкалар ёнида катта миқдорда қуруқ спирт қўйиб, уни ёқиб юбориб, қочиб кетгани ҳақидаги хабар пайдо бўлди.
“Мен Тяньцзинда портлашни содир этиб хатога йўл қўйган бўлсамда, бундан афсуслайман”, деб ёзган эди қўлга олинган “сохта қаҳрамон”.

Хабар чиққан куннинг эртасигаёқ ёлғончининг уйига полициячилар ташриф буюришди.
Тергов давомида, Тань берган маълумотлар ҳақиқатга тўғри келмаслиги аён бўлишига қарамасдан, полиция “ёлғон террорчилик ахборотини тайёрлаш ва тарқатиш” моддаси бўйича унга нисбатан 5 кунлик маъмурий ҳибсда ушлаб туриш жазоси қўлланди. Қоидабузар нима учун бундай қилгани маълум қилинмаган.