Мустақиллик байрамининг 24 йиллигига Самарқанд вилоятининг Пастдарғом туманидаги «Олти каҳрамон» маҳалласида янги «Камолот боғи» фойдаланишга топширилади, деб ёзмоқда «Самаркандский вестник» нашри.

Мазкур истироҳат боғи туман ҳокимлиги бошчилигида ҳашар йўли билан барпо этилди. Ҳозирда бу ерда сўнгги якунлаш ишлари олиб борилмоқда.

Боғда болалар учун аттракционлар, павильон, томошалар ўтказиш учун 2,5 минг мухлисга мўлжалланган амфитеатр жойлашган. Иқлим мўътадиллигини таъминлаш туриш мақсадида ҳудудда сунъий кўл, фавворалар ўрнатилган.

Кечки пайтда мазкур фавворалар чироқлар ёрдамида камалак тусида ранг сочади. Истироҳат боғи ҳудуди 3 гектар ерни ўз ичига олган бўлиб, ҳудудга мингдан ошиқ манзарали дарахтлар, каштан, япон софораси, терак, арча ва яна бир қанча гул навлари экилди. Ётқизилган яшил ҳудудларда йўлакчалар ташкил қилиниб уларга махсус дам олиш учун мўлжалланган ўриндиқлар ўрнатилди. Кўлни ва фонтанларни доими ишлашини таъминлаш мақсадида 215 метр чуқурликдаги артезиан сув қудуғи қурилди. Ҳозирда боғнинг очилишига доир тайёргарлик ишлари олиб борилмоқда. Байрам тантаналарида иштирок этувчилар репетиция жараёнини давом эттиришяпти.