Корея ярим оролидаги вазиятнинг кескинлашуви биринчи навбатда Жанубий Корея учун дарс бўлиши керак. Бу ҳақда Шимолий Корея халқ армияси бош сиёсий бошқармаси бошлиғи Хван Бён Со марказий телевидениега берган интервьюсида маълум қилди.

“Олий даражада ўтказилган охирги музокараларда Корея Республикаси ниҳоят ўзига хулоса чиқариб олди: бир томонлама қадамлар ташлаш тўғри эмас. Бу фақат вазиятнинг янада кескинлашувига ва ҳарбий тўқнашувга олиб келади”, - таъкидлади у.

Шу билан бирга, Бён Со икки томон ўзаро ҳамкорликни йўлга қўйиш борасида муҳим қадамлар ташлаганини ижобий баҳолади. У расмий Сеул “КХДР билан алоқаларни давом эттиришда самимият кўрсатиши”га умид билдирди.