Россия нефть-газ ишлаб чиқарувчилари иттифоқи раҳбари Геннадий Шмаль агарда нефтнинг нархи бир баррели учун 8 долларга ҳам тушиб кетса, бунинг Россия учун фожиали жойи бўлмайди, деб айтмоқда. Бу ҳақда РИА “Новости” ахборот агентлиги маълум қилди.

“Фикримча, нефть нархи 40 доллардан пастга тушмайди. Бироқ биз бир бочка нефть 8-9 доллар турган бундан мураккаброк даврларни ҳам бошдан кечирганмиз. Биз ўшанда нефть нархи 20-25 долларга кўтарилишини орзу қилардик. Ўшанда ҳам ҳеч қандай фожиа юз бермаган”, деб айтмоқда Шмаль. Шмаль россияликлар кўпроқ тежашларига тўғри келишини, бироқ “Россия иқтисодиёти бундан унча зиён кўрмаслигини” таъкидлаб ўтди.

“Ҳа, қаердадир камарни қаттиқроқ сиқишга тўғри келади, бироқ Россия бюджети унча зиён кўрмайди”, деб айтмоқда Шмаль.

Бундан аввал Brent маркасидаги нефть нархи 43 доллардан пастроққа тушиб кетгани маълум қилинган эди.