Сешанба, 25 август куни тонгда Шанхай фонд биржаси индекси яна 6,41 фоизга пастлади. Куни кеча бўлиб ўтган савдолар чоғида Шанхай фонд биржасининг индекси 2007 йилги рекорд даражада пастлагани хабар қилинган эди.

Савдолар якунига кўра, Shanghai Composite Index Шанхай фонд биржаси асосий индекси яна 6,41 фоизга пастлаб, 3004,13 пунктни ташкил этди. Айни пайтда, Шэньчжэннинг Shenzhen Composite Index ҳам пастлашда давом этмоқда. Бугун тонгда унинг индекси 6,97 фоизга пастлаб, 1751,28 пунктни ташкил этди.

Таҳлилчилар ушбу ҳолатни инвесторларнинг Хитой иқтисодиёти ривожига шубҳа билан қараётгани билан боғламоқда.