Америкалик геофизиклар маҳаллий мутахассислар билан ҳамкорликда Янги Зеландия ҳудудидаги Шимолий оролда олтин ва кумушнинг улкан захиралари борлигини аниқлашди. Олиб борилган тадқиқот натижалари Geothermics журналида эълон қилинган.

Phys.org сайтида ёзилишича, Шимолий орол ҳудудида олимлар олтин ва кумуш захиралари жойлашган олтита нуқтани қайд этишган. Бундай нуқтлар Таупо вулқони атрофидаги ҳудудларда жойлашган.

Мутахассисларнинг қайд этишича, бу ҳудуддаги олтин қазиб олиниши орқали ҳар йили 3 миллиард доллар, кумуш қазиб олиш орқали эса 3,5 миллиард доллар даромад қилиш мумкин бўлади.

Қайд этилшича, Ротокава ва Мокаи ҳудудларида қимматбаҳо металлар қазиб олишни йўлга қўйиб, бу нуқталардан йилига 7,5 тонна олтин қазиб олиш мумкин.

Маълумот учун, бу ер ости бойликларининг бир қисми сайёҳлар кўп ташриф буюрадиган Таупо кўли остида жойлашган.