Америкалик 47 ёшли Сенфорд Уоллес 2008-2009 йилларда Facebook’нинг 500 минг фойдаланувчисининг аккаунтларига кириб олиб, улар орқали 27 млн спам хабарлар юборганини тан олди. Бу ҳақда Bloomberg агентлиги хабар бермоқда.

Бировларнинг аккаунтларидан у турли сайтларга йўлланмаларни спам тарзида юборган. Ушбу сайтлар, ўз навбатида, ташрифчилар сонининг ошиши эвазига Уоллесга пул тўлаган.
Facebook’нинг “спам қироли” номини олган Уоллесга қарши даъвоси 2009 йилдан буён кўриб чиқилмоқда. Компания айбланувчидан моддий зарарни қоплаш учун 711 млн доллар ундириб беришни талаб қилмоқда.

2009 йил октябрида суд Facebook фойдасига ҳукм чиқарди, лекин ўша йилнинг июлидаёқ Уоллес ўзини банкрот деб эълон қилди.
2011 йилда ФРБ Уоллесни қаллобликда ва шахсий маълумотларга дахл қилишда айблади. Икки йил давом этган тергов ва суриштирув жараёнида “спам қироли” айбини инкор қилиб келди. Аммо яқинда у 27 млн спам йўллаганини ахийри тан олди.

Эндиликда Уоллес 250 минг доллар жаримага тортилиши ва 3 йилга қамалиши мумкин.
Якуний ҳукм 7 декабрь куни ўқилади.