Жаҳон банки Украина иқтисодиётини реформация қилиши учун 500 млн АҚШ доллари миқдорида кредит ажратадиган бўлди. Бу ҳақда мамлакат Бош вазири Арсений Яценюк берган маълумотларга таяниб «112.Украина» телеканали хабар тарқатди.

Манбанинг ёзишича, мазкур кредитни ҳисобга ўтказиш ишлари 9 сентябрга қадар амалга оширилади. «Бутунжаҳон банки кеча Украинага 500 млн доллар кўринишида кредит беришга келишиб олишди. Биз бу маблағни 9 сентябрга қадар қўлга киритамиз», — дея гапириб ўтди Яценюк.

Бош вазирнинг қайд этишича, мазкур маблағ Япония ва бошқа халқаро молия институтларидан қўшимча ёрдам олиш имкониятини беради.