Тожикистон иқтисодий суди қарорига кўра Ислом тикланиш партиясининг Душанбедаги офиси ёпиб қўйилди. Интерфакс агентлигига маълум бўлишича, бундай қарор қабул қилинишига сабаб сифатида мамлакатнинг энг йирик мухолиф бирлашмаси тузган олди-сотди шартномасининг ноқонунийлиги кўрсатилган.

Партия фаолларининг фикрича, ҳукумат шу йўл билан 15 сентябрга мўлжалланган партия съездини тўхтатмоқчи. Съезд айнан шу офисда ўтказилиши режалаштираётган эди.

Бино партия томонидан “Тижорат” МЧЖдан 12 йил муқаддам сотиб олинган. Ушбу олди-сотдининг ноқонуний амалга оширилгани орадан шунча йиллар ўтгач судда кўриб чиқилиши ҳуқуқ ҳимоячиларини ташвишга солмоқда.

Тожикистон адвокатлар коллегияси раҳбари Бузургмеҳр Ёров суд қарорини ноқонуний деб ҳисоблашини таъкдилади.
“Ҳеч ким мулкдорлик ҳуқуқи бекор қилинмагунига қадар бинодан фойдаланишни тақиқлаб қўя олмайди”, - деди Ёров.