Европа Иттифоқи Ўзбекистоннинг олтита вилоятидаги қишлоқ ҳудудларига беғараз ёрдам сифатида 9,3 млн евро миқдорида маблағ ажратади. Бу ҳақда Иттифоқ расмий сайтида хабар қолдирилган.

Мазкур лойиҳа 36 ой мобайнида Германиянинг Deutsche Gesellschaft für Internationale Zusammenarbeit (GIZ) GmbH бошчилигидаги консорциуморқали амалга оширилади. Консорциум таркибига Франциянинг Agence pour le développement de la coopération internationale dans les domaines de l'agriculture, de l'alimentation et des espaces ruraux (ADECIA), Италиянинг Associazione Italiana Allevatori (AIA) ва Болгариянинг Center for Entrepreneurship and Executive Development (CEED) ташкилотлари киради.

Мазкур лойиҳа Ўзбекистоннинг олти – Наманган, Андижон, Фарғона, Жиззах, Сирдарё ва Қашқадарё вилояти ҳудудларини қамраб олади. Лойиҳанинг асосий мақсади Ўзбекистондаги чорвачилик, боғдорчилик, сабзавотчилик каби қишлоқ хўжалиги соҳаларига Европача ноу-хау ва технологияларини олиб киришдан иборат.