Сўнгги ойлар статистикаси шуни кўрсатмоқда, Эстонияга ташриф буюрувчи россиялик сайёҳлар сони янада пастлаши имконсиз бўлган даражага тушиб кетди, – дейди Эстония меҳмонхоналари ва ресторанлари бошқарув кенгаши (EHRL) раиси Верни Лоодмаа BNSга берган интервьюсида.

Июнь ойида меҳмонхоналардан жой олган россиялик сайёҳлар сони 31 фоизга, июль ойида эса яна 5 фоизга камайди.

Лоодмаанинг сўзларига кўра, россиялик сайёҳлар сонининг камайиб кетиши сайёҳлик ва меҳмонхона соҳасида жиддий хавотирларни уйғотмоқда. Рублнинг еврога нисбатан курси рекорд даражада тушиб кетгани ҳақидаги хабар келажакка бўлган ишончсизликни оширади.

Маълумотларга кўра, 2015 йилда сайёҳлар сони кескин камайиб кетгани боис Таллин ва Ида-Вирумаадаги меҳмонхона хўжаликлари энг кўп зарар кўрган.