Россия президенти Владимир Путин Россиянинг энг йирик аэропорти хусусий инвесторлар – Александр Пономаренко ва Аркадий Ротенбергга қарашли “ТПС Авиа” гуруҳига берилишини тасдиқловчи қарорга келиш арафасида турибди ёки бу қарорни қабул қилиб бўлди. Бу ҳақда ҳужжатнинг тайёрланишига яқин бўлган учта манбага иқтибос келтирган ҳолда Forbes нашри ёзмоқда. Манбалардан бирининг таъкидлашича, ҳужжат имзоланиб бўлинган, қолган иккита манба эса у “юқори даражадаги тайёргарлик” ҳолатида эканлигини айтишмоқда.

Қарор билан давлат ва “ТПС Авиа”нинг хусусий активлари консолидацияси эълон қилинади. Бунинг оқибатида давлат Шереметьево аэропорти устидан назорат пакетини йўқотади, бироқ ўзининг улушини 30 фоиздан кам бўлмаган миқдорда сақлаб қолади.

“ТПС Авиа” компанияси “Грузовой комплекс Шереметьево” МЧЖ , “Аэропорт Москва” МЧЖ, “Автопарк-М” МЖЧ, “МАШ реклама” МЧЖ, “Империал дьюти фри” ОАЖ, “Терминал В Шереметьево” МЧЖ, “Межтерминальный переход Шереметьево” МЧЖ ва “Аэро-Шереметьево” МЧЖга эгалик қилади.