Авиакомпанияларга провайдерлик хизматларини кўрсатувчи GoGo компанияси маълумотларни узатиш технологиясининг янги авлодини синовдан ўтказишни бошлашини маълум қилди.

Айни пайтда самолётлар бортида маълумотларни узатиш тезлиги 4 Мбит/c дан ошмайди, чунки самолётлар интернетга уланишда ердаги раидоминоралардан фойдаланади. Компанияда интернетга сунъий йўлдошлар орқали кириш усулини ишлаб чиқишди. Бу усул ёрдамида прогноз қилинаётган маълумотлар узатиш тезлиги 70 Мбит/c гача етиши мумкин.

Технологияни еттита авиакомпания маъқуллади. Улар ўз самолётларини бу технология асосида 2016 йилдан модернизация қилишни бошлайдилар. Бунгача эса GoGo синовларни якунлаб, технологиядаги барча камчилиларни бартараф эта олиши мумкин бўлади.