Камбожа полициячилари қаҳва қутилари остида яширинган умумий оғирлиги 1,5 тонна келувчи наша партиясини мусодара қилди. Ушбу гиёҳванд моддалар миқдори 7 млн долларга баҳоланмоқда, деб ёзмоқда Bangkok Post нашри.
Ҳуқуқ-тартибот муассасалари маълумотларига кўра, гиёҳванд моддалар қўшни Лаосдан бошқа давлатларга сотиш учун жўнатилмоқчи бўлган. Ушбу ҳолат юзасидан қўлга олинган камбожаликларга умрбод қамоқ жазоси берилиши мумин.
Қайд этилишича, топилган гиёҳванд моддалар мамлакатдаги охирги 15 йил ичида аниқланган энг йирик наша партияси бўлди.