Сентябрь ойида Нью-Йоркда БМТ Бош ассамблеясининг юбилей 70-сессияси доирасида Россия ва АҚШ президентлари Владимир Путин ва Барак Обаманинг йўллари туташ келиши мумкин. АҚШ Давлат котибининг Европа ва Евроосиё ишлари бўйича ёрдамчиси Виктория Нуланд бундай эҳтимол мавжудлигини айтди.

Нуланд АҚШ ва Россия етакчиларининг БМТ Бош ассамблеяси сессияси давомида эҳтимолий учрашувлари ҳақида ҳеч қандай расмий маълумотларга эга эмаслигини айтди. “Ҳозирча бу борада мен ҳеч нарса айта олмайман. Шак-шубҳасиз бу хусусда қарорни АҚШ Давлат департаменти эмас, балки Оқ уй қабул қилади”, дея изоҳ бериб ўтди Нуланд.

Бироқ Нуланднинг айтишича, Обама сессия доирасида бир қатор кўптомонлама тадбирларда иштирок этади. “Улардан баъзиларида Обама ва Путин бир-бири билан тўқнаш келиши мумкин”, деб таъкидламоқда Нуланд.