АҚШ Россиянинг Эронга С-300 зенит-ракета мажмуасини сотиши эҳтимолидан хавотир билдирмоқда.
Агар бу мажмуалар Эронда пайдо бўлса, АҚШ президенти ихтиёрида бунга жавоб беришнинг барча кўринишлари бўлади, жумладан президент ҳарбий характердаги таъсир жавобни қўллаши мумкин бўлади, деб айтди матбуот-анжумани давомида Пентагон матбуот котиби Питер Кук.

“Биз С-300 сотилиши воқеаларнинг ижобий ривожланиши бўлади, деб ҳисобламаймиз”, деб айтди Кук ва АҚШ Мудофаа вазирлиги ушбу ҳолатни кузатиб бораётганини таъкидлаб ўтди. Кукнинг таъкидлашича, агар Эрон бу тизимларга эга бўлса, Пентагон ўз имкониятларига ишонади”. “Президентда барча ҳаракатлар варианти бўлади”, деб қўшимча қилди Кук. Кукдан гап қандай таъсир жавоби ҳақида кетаётганига аниқлик киритиш ҳақидаги мурожаатга “Ҳарбий характердаги жавоб ҳақида. Биз бу тизимнинг имкониятларини биламиз”, деб жавоб берди.
19 августда SANA ахборот агентлиги Эрон Мудофаа вазири Ҳусайн Деҳқоннинг баёнотига иқтибос келтирган ҳолда Эрон жорий ҳафтада Россия билан С-300 мажмуаларининг етказилиши бўйича келишувни имзолашини маълум қилган эди.