Қирғизистон иқтисодиёт вазирлиги қошидаги метрологик назорат бўйича давлат инспекцияси бир қатор туз ишлаб чиқарувчиларнинг маҳсулотлари маълумотномада кўрсатилганидан камроқ вазнга эгалигини аниқлади. Бу ҳақда Қирғизистон телеграф агентлиги хабар бермоқда.

Текширувлар давомида бундай ҳуқуқбузарликлар “Лидер Групп” ва “Поварёнок” МЧЖ маҳсулотларида аниқланди. “Лидер Групп” МЧЖ маҳсулоти белгилангандан (750 гр) 40-62 гр га, “Поварёнок” МЧЖ маҳсулотли белгиланганидан (1000 гр) 70-156 гр га кам.
Аниқланган ҳолатлар бўйича қонунчиликда кўрсатилган маъмурий чоралар кўрилиши белгиланди.