Samsung компаниясининг “ақлли” музлатгичларида Gmail тақвимларини синхронлаштириш имконияти пайдо бўлди. Pent Test Partners тадқиқот компаниясининг таъкидлашича, жиноятчилар бу имкониятдан фойдаланиб, сизнинг рўйхатдан ўтганлик ҳақидаги маълумотларингизни ўғирлашлари мумкин.

Тадқиқотчиларнинг фикрича, музлатгич маълумотларни шифрланмаган тарзда узатиши сабабли бунинг имкони мавжуд. Samsung’да бу муаммони тузатиш бўйича ишлар олиб борилаётгани айтилган.

Жорий йилнинг февралида шундай вазият Samsung’нинг “ақлли” телевизорлари билан кузатилган эди – ушбу телевизорлар нафақат фойдаланувчиларни бутун вақт давомида тинглайди, балки овозли ёзувларни шифрлашсиз жўнатади. Бу ҳам хакерлар томонидан маълумотларнинг ўғирланишига имконият беради.