Вазирлар Маҳкамасининг 17 августдаги қарори билан Ўзбекистон Республикаси таълим муассасалари қабул комиссияси тўғрисидаги низом тасдиқланди. Унга кўра, таълим муассасалари квоталарини қабул бўйича давлат комиссияси белгилаб беради.

Низом президенти ҳузуридаги давлат бошқаруви академияси, банк-молия академияси, Ўзбекистондаги хорижий ва халқаро олийгоҳлар филиалларига дахлдор эмас.
Комиссиянинг таркиби президенти қарори билан тасдиқланади.

Давлат комиссиясининг асосий вазифалари сирасига келаётган ўқув йилига квоталарни белгилаб бериш, абитуриентларни ўқишга қабул қилиш жараёнининг очиқлиги ва холислигини таъминлаш, олийгоҳларга кириш учун қўйиладиган талаблар ва критерийларни белгилаб бериш, тест синовларини ташкил қилиш жараёнини мувофиқлаштириб бориш, олийгоҳларга халқаро ва республика олимпиадалари, танлов ва мусобақалари ғолибларининг киришини таъминлаш ва бошқалардан иборат.