Туркия яқин орада “ИШИД” террорчилик гуруҳига қарши курашувчи АҚШ бошчилигидаги коалиция таркибига киришини расман эълон қилади, деб хабар бермоқда Reuters ахборот агентлиги.

АҚШ Мудофаа вазирлигида Туркиянинг террорчиларга қарши авиазарбалар берувчи давлатлар рўйхатига киришининг техник деталлари келишиб олингани маълум қилинди. Пентагон матбуот котиби Туркия иложи борича тезроқ тезкор ҳаракатларни бошлашга интилаётгани, бироқ тайёргарлик бир неча кун олишини таъкидлаб ўтди.
Бундан аввал АҚШ ва Туркия Сурия шимолини “ИШИД” жангариларидан озод этишни режалаштираётганлари маълум қилинган эди. Туркиянинг жангариларга қарши курашишга қўшилиши зарурлигини Пентагон раҳбари Эштон Картер айтиб ўтган.