Пекинда давом этаётган енгил атлетика бўйича жаҳон чемпионатининг навбатдаги кун дастуридан ўрин олган беллашувда эркаклар ўртасида 200 метрга югуриш бўйича пойга ўтказилди.

Ушбу баҳс кутилганидек, ямайкалик спринтер Усэйн Болтнинг ғалабаси билан якунланди (19.54 сония). Эътиборлиси, Болт учун бу ўнинчи чемпионлик бўлди. АҚШ вакили Жастин Гатлин бу гал ҳам иккинчи ўринда қолиб кетган бўлса, ЖАР терма жамоаси аъзоси кучли учликни якунлаб берди.

Энг қизиғи, Болт ғалабасини мухлислар даврасида нишонлаётган пайт бўлди. Усэйнни суратга олиб келаётган тасвирчи атайин қилдими ёки беҳосдан бориб Болтнинг ортидан урди ва кичик тўқнашув натижасида иккиси ҳам йиқилиб тушди. Ҳайриятки, ҳек кимга зиён етмади. Воқеадан хафа бўлмаган 10 карра чемпион ғалабасини нишонлашда давом этди.

Манба: sports.uz