26 августда АҚШ суди 2012 йилда Колорадо штатидаги Аврора шаҳрида жойлашган кинотеатрлардан бирида кинотеатрга ташриф буюрганларни оммавий равишда отиб ташлаган 27 ёшли Жеймс Холмсни озодликка чиқиш ҳуқуқидан маҳрум этилган ҳолда умрбод қамоқ жазосига тортди. Ушбу иш бўйича якуний ҳукмни Аврора шаҳри суди ҳаками Кичик Карлос Семур чиқарди.

Бундан аввал 12 кишидан иборат суд маслаҳатчилари ҳайъати Холмсга умрбод қамоқ жазоси ҳукмини чиқарган, бироқ қонунга кўра бу ҳукм ҳакам томонидан расман маъқулланиши керак бўлган. Август бошида суд маслаҳатчилари ҳукм чиқаришда ягона қарорга келиша олмагач, автоматик равишда жиноятчига умрбод қамоқ жазоси тайинланган.

Холмс 2012 йил 20 июлда милтиқ ва иккита тўппонча билан қуролланган ҳолда кинотеатрга сеанс пайтида кириб, кўзни ёшлантирувчи газ пуркаб, сўнгра томошабинларга қарата ўқ уза бошлаган. Унинг бу жинояти оқибатида 12 киши ҳалок бўлган, 70 киши яраланган.