Жанубий Кореянинг қурилиш компаниялари Марказий Осиё бозорида ўз ўринларини мустаҳкамлаб, минтақада бўлаётган иқтисодий ривожланиш жараёнида иштирок этмоқчи.
Кореянинг Hyundai Engineering & Construction ва POSCO Engineering & Construction қурилиш компаниялари минтақадаги лойиҳларда иштирок этиш учун ҳамкорлар билан музокаралар олиб бормоқда.

Жумладан, Hyundai Engineering & Construction GS Engineering & Construction ва Samsung Engineering билан бирлашиб, Ўзбекистонда йирик кимё заводининг қурилишида иштирок этиши айтилди. Лойиҳанинг қиймати 2.01 млрд долларни ташкил қилади.
Samsung C&T эса минтақада йўл қурилиши билан шуғулланмоқда.

Samsung 2009 йилдан буён Қозоғистонда энергетика лойиҳасини амалга оширмоқда. Лойиҳанинг қиймати 4.9 млрд долларга етади.