Мустақилликнинг 24 йиллиги байрами арафасида кексалар ҳолидан хабар олинди

Ўзбекистон 27 Август 2015 2807

Ўзбекистон касаба уюшмалари Федерацияси томонидан Ўзбекистоннинг ҳар бир ҳудудида Мустақилликнинг 24 йиллиги олдидан “Бетакроримсан, ягонасан, она Ватаним – Ўзбекистоним!” ғоясини ўзида мужассам этган маданий-маънавий тадбирлар дастури ўтказилмоқда.

Хусусан, республикамизнинг турли ҳудудларидаги туман ва шаҳарлар, маҳалла гузарлари, меҳнат жамоаларида маданий-маърифий тадбирлар ташкил этилмоқда. Ҳудудлардаги “Мурувват” ва “Саховат” уйларида яшаётган инсонлар холидан хабар олиниб, манзилли қўллаб-қувватланмоқда.

Ўзбек Миллий академик драма театрида Ўзбекистон мустақиллигининг 24 йиллигига бағишлаб “Бетакроримсан, ягонасан, она Ватаним – Ўзбекистоним!” шиори остида бўлиб ўтган маънавий-маърифий тадбир ҳам ана шундай тадбирлардан бири бўлди.

Тадбирда давлат ва жамоат ташкилотлари вакиллари, иқтисодиётимизнинг турли тармоқларида меҳнат қилаётган ходимлар, пойтахт корхона ва ташкилотларида фаол меҳнат қилган фахрийлар, кекса авлод вакиллари ва ёшлар иштирок этди.

Тадбир ташкилотчилари томонидан Ўзбекистон Президенти Ислом Каримов раҳнамолигида мамлакатимизда изчиллик билан амалга оширилаётган “ўзбек модели”нинг муҳим йўналиши – кучли ижтимоий ҳимоя сиёсати ўзининг юксак самараларини бераётгани таъкидланди. Бу борада ёлғиз кекса, пенсионер ва ногиронларга ғамхўрлик кўрсатиш, уларни ҳар томонлама қўллаб-қувватлаш каби халқимизга хос бўлган эзгу амаллар яхши анъанага айланган.

Тадбирда шунингдек, мамлакатимизда инсон манфаатлари йўлида амалга оширилаётган кенг кўламли ислоҳотлар натижаси, қўлга киритилаётган улкан ютуқларимизнинг туб моҳияти ва аҳамияти бутун дунё томонидан тан олинаётганлиги, мамлакатимизнинг иқтисодиёти энг тез ривожланаётган давлатлар қаторидан ўрин олганлиги алоҳида таъкидланди.

Истиқлол байрами муносабати билан “Кексаларни эъзозлаш йили” Давлат дастури доирасида Тошкент шаҳридаги ёлғиз ва ижтимоий ҳимояталаб кексалар яшаётган 212 та оилага уй юмушларини енгиллаштириш мақсадида маиший ва ошхона электр жиҳозлари – кир юқиш машиналари, музлатгичлар, чангюткич ва микротўлқинли печлар, электр печлари, совға қилинди. Пойтахт корхоналарида самарали меҳнат қилиб келаётган турли соҳа ходимлари ҳам муносиб тақдирланди.

Тадбирда Тошкент шаҳар касаба уюшмалари ташкилотлари бирлашмаси томонидан Мудофаа ва Ички ишлар вазирликлари тизимида хизмат вазифасини бажариш чоғида ҳалок бўлган ҳарбий хизматчилар ва ички ишлар ходимлари оилаларига моддий ёрдам кўрсатилди. “Касаба уюшмалари – талабаларга” акцияси доирасида олий ва ўрта махсус ўқув юртларида таҳсил олаётган 41 нафар кам таъминланган иқтидорли талабага Касаба уюшмалари Федерацияси томонидан таъсис этилган стипендиялар топширилди.

Тадбир сўнгида йиғилганлар эътиборига таниқли санъаткорлар иштирокида концерт ва Ўзбек Миллий академик драма театри ижодкорлари ижросидаги спектакль намойиш қилинди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 45403 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 15318 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 95340 Ўзбекистон
Барселонадаги теракт ва Каталониянинг Альканар шаҳридаги портлашлар ўзаро боғланган бўлиши мумкин
08:18 2 Жаҳон
Венесуэла аҳолиси ейиш мақсадида ҳайвонот боғидан жонзотларни ўғирлагани тахмин қилинмоқда
08:05 185 Жаҳон
Европада Барселонадаги терактлардан кейин хавфсизлик чоралари кучайтирилди
08:01 267 Жаҳон
Барселона яқинида яна бир теракт амалга оширилди
07:08 1652 Жаҳон
Барселонадаги теракт учун жавобгарликни ИШИД ўз зиммасига олди
07:03 1631 Жаҳон
Хитойдаги кимё заводида кучли портлаш юз берди
00:33 3032 Жаҳон
Кекса немис Исландияга эски тракторда саёҳатга жўнади
00:24 1972 Жамият
Кўпроқ янгиликлар