АҚШнинг Виргиния штатида икки нафар журналистни отиб ташлаган WDBJ телеканалининг собиқ ходими Вестер Флэнаган ўз жонига суиқасд қилгандан сўнг шифохонага ётқазилгандан кейин жони узилди, деб Виргиния штати маъмурияти вакилига иқтибос келтирган ҳолда ёзмоқда Washington Post нашри.

Флэнаган 26 август куни Виргиния штатининг Монита шаҳрида репортаж суратга олаётган ўзининг собиқ ҳамкасбларини отиб ташлаган. Мухбир Элисон Паркер ва оператор Адам Уорд олинган жароҳатлардан воқеа жойида ҳалок бўлдилар.

Бундан аввал маълум қилинганидек, Флэнаган полиция томонидан тақиб қилинаётганда штатлараро I-66 трассасида ўз жонига қасд қилиш мақсадида ўзига тўппончадан ўқ узган. Қотил оғир аҳволда шифохонага етказилган эди.